Lwa San Sipriz la (No Surprises Act)

Dwa ak Pwoteksyon Ou Kont Sipriz Bòdwo Medikal

Kisa “faktirasyon balans” ye (yo rele l pafwa “bòdwo sipriz”)?

Lè ou wè yon doktè oswa yon lòt founisè swen sante, ou ka dwe sèten frè ki sot nan pòch ou, tankou yon kopeman, ko-asirans, oswa dediktib. Ou ka gen lòt frè anplis oswa ou ka gen pou ou peye tout bòdwo a si ou wè yon founisè oswa ale nan yon etablisman swen sante ki pa nan rezo plan sante ou.

“Deyò rezo” vle di founisè ak etablisman ki pa te siyen yon kontra avèk plan sante ou an pou bay sèvis yo. Founisè deyò rezo a ka otorize faktire w pou diferans ki genyen ant sa plan w peye a ak montan total yo fè peye pou yon sèvis. Sa rele “faktirasyon balans.” Montan sa a gen anpil chans pou li plis pase frè nan rezo a pou menm sèvis la epi li ka pa konte pou rive nan dediktib oswa nan limit anyèl ki sot nan pòch ou pou plan ou an.

“Bòdwo sipriz” se yon faktirasyon balans sanzatann. Sa ka rive lè ou pa kapab kontwole kimoun ki patisipe nan swen w—pa egzanp lè ou gen yon ijans oswa lè ou planifye yon vizit nan yon etablisman ki nan rezo a men se yon founisè ki pa nan rezo a ki trete ou sanzatann. Bòdwo medikal sipriz yo ta ka koute plizyè milye dola selon pwosedi a oswa sèvis la.

Ou’ pwoteje kont faktirasyon balans pou:

Sèvis pou ijans

Si ou gen yon pwoblèm medikal dijans epi ou resevwa sèvis dijans nan men yon founisè oswa yon lopital ki pa nan rezo a, plis yo kapab faktire ou se montan pataj frè andedan rezo pou plan ou an (tankou kopeman, ko-asirans ak dediktib). Yo pa kapab fè ou peye faktirasyon balans pou sèvis dijans sa yo. Sa gen ladan sèvis ou ka jwenn apre ou nan yon eta stab, sòf si ou bay konsantman alekri epi ou renonse ak pwoteksyon ou yo pou yo pa faktire ou balans pou sèvis apre stabilizasyon sa yo. Si kat ID asirans ou an di “kouvèti asire konplètman,” ou pa kapab bay konsantman alekri epi ou renonse ak pwoteksyon ou yo pou yo pa faktire ou balans pou sèvis apre estabilizasyon sa yo. 

Sèten sèvis nan yon lopital oswa yon sant chiriji anbilatwa ki nan rezo a

Lè ou resevwa sèvis nan yon lopital oswa yon sant chiriji anbilatwa ki nan rezo a, sèten founisè ki nan kote sa yo gendwa pa nan rezo a. Nan ka sa yo, plis founisè sa yo ka faktire ou se montan pataj frè nan rezo plan ou an. Sa aplike pou sèvis medsin dijans, anestezi, patoloji, radyoloji, laboratwa, neyonatoloji, asistan chirijyen, ospitalis, ak sèvis reyanimatè. Founisè sa yo pa kapab faktire ou balans epi yo pa kapab mande ou pou ou renonse ak pwoteksyon ou genyen pou yo pa faktire ou balans. Si ou resevwa lòt tip sèvis nan etablisman nan rezo sa yo, founisè ki pa nan rezo a pa kapab faktire ou balans, sòf si ou bay konsantman alekri epi ou renonse ak pwoteksyon ou yo. Si kat ID asirans ou an di “kouvèti asire konplètman,” ou pa kapab renonse ak pwoteksyon ou yo pou lòt sèvis sa yo si se yon bòdwo sipriz yo ye. Bòdwo sipriz yo se lè ou nan yon lopital oswa yon sant chiriji anbilatwa ki nan rezo a epi yon doktè ki patisipe nan rezo a pa te disponib, yon doktè ki pa patisipe te bay sèvis san ou pa konnen, oswa yo te bay sèvis medikal ki pa te prevwa.  

Sèvis doktè nan rezo ou a refere yo  

Si kat ID asirans ou an di “kouvèti asire konplètman”, bòdwo sipriz yo konsène lè doktè nan rezo ou refere ou ba yon founisè ki pa nan rezo a san konsantman ou (sa gen ladan sèvis laboratwa ak patoloji). Founisè sa yo pa kapab faktire ou balans epi yo pa kapab mande ou pou ou renonse ak pwoteksyon ou genyen pou yo pa faktire ou balans. Ou ka gen pou ou siyen yon fòm (ki disponib sou sitwèb Depatman Sèvis Finansye a) pou pwoteksyon konplè aplike kont faktirasyon balans lan.   

Lè faktirasyon balans pa otorize, ou gen pwoteksyon sa yo tou:

  • Ou responsab peye sèlman pati pa ou nan frè a (tankou kopeman, ko-asirans, ak dediktib ou ta peye si founisè a oswa etablisman an te nan rezo a). Plan sante ou an pral peye dirèkteman nenpòt lòt frè anplis ba founisè ak etablisman ki pa nan rezo a.
  • Anjeneral, plan sante ou an dwe:
    • Kouvri sèvis dijans san yo pa mande pou ou jwenn apwobasyon pou sèvis yo davans (yo rele sa tou “otorizasyon davans”).
    • Kouvri sèvis dijans founisè andeyò rezo a bay.
    • Baze sa ou dwe founisè a oswa etablisman an (pataj frè) sou sa li ta peye yon founisè oswa yon etablisman ki nan rezo a epi montre montan sa nan eksplikasyon avantaj ou yo.
    • Konte nenpòt montan ou peye pou sèvis dijans oswa sèvis andeyò rezo a nan kalkil franchiz ou ak limit lajan ki sot nan pòch ou nan rezo a.

Si ou panse ke yo te mal faktire ou, ou ka kontakte CMS nan 1-800-985-3059. Ale nan: http://www.cms.gov/nosurprises/consumers pou jwenn enfòmasyon sou dwa ou dapre lwa federal.

Sa ki nan avi sa a eksplike tout dwa ou ak pwoteksyon ou genyen anrapò ak faktire ou balans dapre lwa yo onivo Eta ak federal. Ale sou https://m.flsenate.gov/Statutes pou jwenn plis enfòmasyon sou lwa Florid la.

Ou gen dwa pou resevwa yon Estimasyon de Bònfwa

Dapre lalwa, founisè swen sante yo oblije bay pasyan ki pa gen asirans yo oswa pasyan ki pa itilize asirans yo yon estimasyon pou bòdwo a pou atik ak sèvis medikal yo.

  • Ou gen dwa pou resevwa yon Estimasyon de Bònfwa pou pri total ki prevwa pou nenpòt atik oswa sèvis ki pa ijans. Sa gen ladan frè asosye yo, tankou tès medikal, medikaman sou preskripsyon, ekipman, ak frè lopital yo.
  • Asire w ke founisè swen sante ou an ba ou yon Estimasyon de Bònfwa alekri omwen 1 jou ouvrab anvan sèvis oswa atik medikal ou an. Epitou, ou kapab mande founisè swen sante ou, ak nenpòt lòt founisè ou chwazi, yon Estimasyon de Bònfwa anvan ou pwograme yon atik oswa yon sèvis.
  • Si ou resevwa yon bòdwo ki omwen $400 plis ke Estimasyon de Bònfwa ou an, ou kapab konteste bòdwo a.
  • Asire ou konsève yon kopi oswa yon foto Estimasyon de Bònfwa ou an.

Pou kesyon oswa pou jwenn plis enfòmasyon sou dwa ou genyen pou jwenn yon Estimasyon de Bònfwa, ale sou www.cms.gov/nosurprises oswa rele nan 850-908-2000.